Ümumdünya Karate Federasiyası (WKF) Beynəlxalq Olimpiya Komitəsinin tanıdığı yeganə karate federasiyasıdır (BOK-nin 17 Mart 1999-cu il tarixli 109-cu sessiyası). Onun məqsədi - olimpiya proqramına daxil olmaq üçün karatenin bütün üslub və istiqamətlərinin ümumi yarış qaydaları altında birləşdirməkdir.

Son bir neçə il Milli Karate Federasiyasının rəsmi sponsoru Azərbaycanın Beynəlxalq Bankı hesab olunur. Onun köməkliyi ilə bizim idmançılar Ümumdünya Karate Federasiyası tərəfindən keçirilən bütün rəsmi yarışlarda iştirak etmək imkanına malikdirlər. Gənclər və İdman Nazirliyi, eyni zamanda Milli Olimpiya Komitəsinin Prezidenti sayılan ölkə Prezidenti İlham Əliyev şəxsən böyük köməklik və dəstək göstərirlər. Bir faktı qeyd etmək xoş olardı ki, İlham Əliyev karate üzrə fəxri 9-cu dan qara kəmərə malikdir və bizim Federasiyanın fəxri üzvü hesab olunur.

Karate üzrə Azərbaycan Milli yığma komandası Avropa və Dünyada ən güclü komandalardan biridir. Ötən illər ərzində bizim karateçilərimiz dəfələrlə beynəlxalq turnirlərdə, Avropa və Dünya çempionatlarında öz sözünü deyiblər. Hal-hazırda milli yığma komanda tərkibində - əsl karate ulduzları var: dəfələrlə Dünya və Avropa çempionu, Dünya Oyunlarının qalibi Rəfael Ağayev, Dünya çempionu İsrafil Şirinov, Avropa çempionları Abdulkərimov Pərviz, Ceyhun Ağasiyev, Rüstəm Mədədov və Niyazi Əliyev, Avropa çempionatının bürünc mükafatçısı Amal Atayev, Yusif Cəfərov və Rəşad Hüseynov.
Milli Karte Federatsiyasının idman bazası aşağıdakı ünvanda yerləşir: Bakı şəh., AZ 1072, Koroğlu Rəhimov küçəsi 19A ("ŞÜA" İdman Sağlamlıq Kompleksidir)

Əlaqə telefonu: (+99412) 465-42-72; (+99450) 210-68-86;
Faks: (+99412) 465-95-85;
e-Mail: wkf@karate.az;
www.karate.az;